Diibmu čieža rájes sádde Yle Sápmi sámegielat radioprográmma golmma sámegillii.
SIIDA vistti olggobealde lea levgen ovcci áigge, seammás go lávlot sámi soga lávlaga. Doppe lea nuvttá sisabeassan olles beaivvi.
Sajosis Anára skuvlla sámeluohkáin lea čájálmas ja lávlot ja dánsejit. Doppe lea maid oktasašlávlun ja musihkka Sámi mánáidkulturguovddáža bokte, ja filmma čájeheapmi Sámi oahpahusguovddáža bokte.
Diibmu 10.30-13 leat sámi álbmotbeaivvi mállásat Anára searvegottedálus.
Sámedikki ja Sámi arkiivva uvssat leat rabas oktanuppelogi rájes Sajosis, ja sii fállet ávvugáfe gussiidasaset.
Doppe čájehuvvo «Njuvčča sojiiguin – Girječálli Yrjö Kokko luottain» ja lea pop-up čájáhusa rahpan.
Ovtta áigge lea bismameassu Anára sámegirkus, ja maŋŋá dan girkogáffe searvegoddeviesus. Eahkedis lea filbmaeahket Sajosis.
