Justisministtar Per-Willy Amundsen lohpida viggat sihkkarastit ahte ii šatta lobiheapmin juhkat alkohola man ieš lea váldán mielde festiválacampii.
Justisministtar Per-Willy Amundsen lohpida viggat sihkkarastit ahte ii šatta lobiheapmin juhkat alkohola man ieš lea váldán mielde festiválacampii.
– Mun in hálit hehttet olbmuid suohtastallamis alkoholain. Mun lean sihkkarastán ahte Politiija oaivvilda ahte politiijaláhka addá sidjiide daid váikkuhangaskaomiid mat leat dárbbašlaččat go galget gieđahallat čorgatvuođaheađuštusaid buriin vugiin stuorát doaluin, vástida Amundsen čálalaš gažaldahkii man Gurutbellodaga jođiheaddji Trine Skei Grande lea ovddidan.
Ballá čuohcat festiválaide
Grande ballá ahte guossohanlobi gáibádus hehtte festiválacampaid ja vearrámusat máŋga festivála.
Duogáš dasa lea reive Politiijadirektoráhtas politiijaguovlluide, mas boahtá ovdan ahte russafestiválaid lágideaddjit fertejit ohcat guossohanlobi maiddái bisánansajiide ja idjadanleairraide.
Aftenpostenii lea Politiijadirektoráhta dadjan ahte gielddus juhkat alkohola, man ieš lea váldán mielde, maiddái guoská sullasaš doaluide main lea camping, nu go musihkkafestiválaide.
Bivdán čoahkkima
Dál lea Amundsen bivdán čoahkkima dearvvašvuođaministariin Bent Høiein čielggadit dan ođđa alkoholalága áddejumi.
– Dainna vugiin sávan mun ahte mii ovttas sáhttit sihkkarastit ahte iešguđet festiválat ja doalut sáhttet dollot dárbbašmeahttun sisabahkkemiin, ovdanbuktá justiisaministtar.
(©NTB)
