Erenoamáš bádden meahccekamerain čájeha jáhkkimis váldogumpeciikku Østmarkas lahka Oslo oktan ođđa guimmin. Rovdata DNA-analysat čájeha ahte varris gumpe lea eret Ruoŧa beale Gjørås gumpeguovllus. Jus gumpepárra čivgá dán giđa, de sáhttá dat geahpedit badjálagaid nálleválljema Østmarka gumpeguovllus mealgat.
Dál lea duođaštuvvon ahte Østmarka lahka Oslo gumpeguovllu gumpeciiku lea ožžon guoimmi. Lea muhtin varris gumpe boahtán guvlui ja dál leaba iežaska guovllu rájá merkemiin guččain. Giđđii soitet leat fas ihtán gumpečivggat. Eambbo dieđut: Statsforvalteren i Oslo og Viken, čállá Rovdata.
Badjálagaid nálleválljen
Østmarka lahka Oslo bođii gumpeciiku Stockholmmas 2012/2013 dálvvi ja gávnnai Halden guovllus alcces guoimmi, ja guovllu. Maŋŋelaš duođaštuvvui gumpečivgan. Dálá váldogumpečciiku lea riegádan 2015:s ja lea bisson das. Gumpeciiku leat čivgan dan áhčiiin ja dan varisčivggain.
– Jus dát gumpeciiku oažžu čivggaid dáinna ođđa varris gumppiin, de geahppána badjálaga nálleválljejupmi dáid gumpevielpáin, čilge Rovdata genetihkkár dahje árbeáššedovdi Øystein Flagstad ja lasiha:
– Dát čiežajahkásaš gumpeciiku sáhttá velá moddii čivgat ja varris gumpe bođii áigemunil ovdal gumppe gieibmanáiggi nu ahte lea čivganvejolašvuohta.
Stáhta Luonddubearráigeahčču háliida cavgilemiid jus muhtin sáhtášii duođaštit ođđa čivgama dien guovllus.
