Johtolat vánddardeaddjit leat moaitán biila mii lea ipmašit guđđon luoddabeallái, ja dieđihan politiijaide.
Johtolat vánddardeaddjit leat moaitán biila mii lea ipmašit guđđon luoddabeallái, ja dieđihan politiijaide.
Duorastateahket, diibmu 19.08, ožžo politiijat dieđu ahte Mercedes biila lea doaresbealde riikageainnu 92, Gárggoluobbalis, Guovdageainnu suohkanis. Politiijaide lea eahpečielggas lea go biila vuodján doarrás. Biila ii leat cuovkanan ja lea buot borgon.
Oarje-Finnmárkku politiijaguovllu operašuvdnaguovddážis muitalit ahte olbmot leat vihkon go biila lea ártegit guđđon luoddagurrii, moadde mehtera eret geainnus.
– Olbmot leat vihkon movt biila lea guđđon ja go lea máŋga beaivvi das čužžon. Mii leat ožžon biilla registrerennummara, muhto eat leat vel lihkostuvvan oažžut ságaide eaiggáda, muitala operašuvdnajođiheaddji Cecilie Værnes.
Politiijat dáhttot diehtit manne biila lea guđđon nie, ja lea go mihkke geavvan.
– Ášši lea dál Guovdageainnu leansmánnekantuvrra hálddus, ja sii galget geahččalit gávdnat biilaeaiggáda, lohká Værnes.
