-Almmuhus-
OĐĐASATÁlttás lea ovtta olbmos duođaš­tuvvon korona

Álttás lea ovtta olbmos duođaš­tuvvon korona

-

-

Álttá suohkanis lea dál vuosttaš olbmui duođaštuvvon njommon korona cuoŋománu rájes.

Álttá suohkan lea gaskavahku ožžon duođaštuvvot dieđu ahte áltálažžii lea njommon koronadávda. 

– Mii leat ožžon duođaštusa. Lea sáhka olbmos gii lea leamaš mátkkošteamen. Son lea leamaš «rukses» riikkas, ja lea váldán iskkadeami Gardermoenis, dadjá Álttá sátnejođiheaddji Monica Nielsen Altapostenii,  mii čálii ášši birra vuosttažin.

Erremis

Olmmoš lea  leamaš erremis maŋŋá go bođii Áltái. Álttá suohkana doavttir Anne Davidsen muitala Ávvirii ahte sus lea leamaš njuolgga oktavuohta eará olbmuiguin. 

– Sii leat iskojuvvon. Muhtun vástádusat leat boahtán, muhto eai leat positiivvat, dadjá Davidsen ja joatká: 

– Mis lea oppalašgeahčastat sis geat leat leamaš lagas oktavuođas albmáin, ja lea singuin leamaš oktavuohta. Sii leat maid erremis, dadjá son Ávvirii.

Ii muital

Ávvir jearrá gullet go buohkat Áltái vai leat go dat geat leat erremis gullevaččat eará gielddaide. Davidsen muitala sii eai dieđe eará go sin geat Álttás ásset.

– Mis lea dušše diehttu sin birra. Eat oačču dieđuid dáid earáid birra jus gullet eará gielddaide. Dán ferte eará gielddaiddoaktárat dahje FHI vástidit, dadjá Davidsen. 

Systema doaibmá

Davidsen muitala olmmoš ii leat buohccevissui čálihuvvon go sus eai leat leamaš garra symptomat. Dál  čohkká njommon olmmoš isolašuvnnas, iežas ruovttus. 

–  Go eai lean áktánas symptoma,  de sáhttá lohkat systema doaimma bures. Olmmoš iskkaduvvui go bođii Norgii, ja mis lea buorre oppalašgovva geain leamas lagasoktavuohta. Sis geas leamaš lagašoktavuohta ja eai leat ožžon vástádusa vuos čohkkájit maid sirremis, dadjá Davidsen

Dát olmmoš ii galgá oasálastán makkárge doaluiguin maŋŋá go Áltái ollii. 

Sátnejođiheaddji

Sátnejođiheaddji Monica Nielsen lea dál plána ja ovdagottecoahkkimis. Son čállá oanehaččat sms Ávvirii bokte sii dovdet sis leat oppalašgeahčču áššis, sihke dan badjel gii lea njommon ja dáide geain leamaš njuolggu oktavuohta njommon olbmui.  

Systemas ráigi

FHI preassaovddasteaddji lohka sis ii leat dakkar systema gos bohtet ovdan makkar gielddaide olbmot gullet ja sihta gielddadoaktáriguin iešguđet gielddaiguin váldit oktavuođa. 

-Almmuhus-