Doaibmabjiut leat ávkkuhan.
Álttá suohkandoavttir dieđiha ahte suohkanis ii leat ovttasge duođaštuvvon korona skábmamánu 24. beaivvi rájes. Álttás lea dušše ovttas ain korona. Son lea isolašuvnnas. Justa dál ii leat oktage erremis. Beaivválaččat iskojuvvojit gaskal 40 ja 50 olbmo. Suohkan galgá ain iskosiid čađahit, čállá Álttá suohkan preassadieđáhusas.
Suohkandoavttir varuha
Njoammundilli lea buorre justa dál Álttás go eai leat leamaš ođđa njoammudáhpáhusat vahkkui. Suohkan čállá ahte dát čájeha ahte ovdagotti doaibmabidjomearrádus golmma vahku áigi lei rivttes mearrádus. Muhto suohkandoavttir váruha ahte sii jáhkket olbmuide ain njoammut dávdda.
