Bearjadaga duođaštuvvui ođđa njoammun Álttá suohkanis.
Bearjadaga, ovdalaš gaskabeaivvi, dieđihii Álttá sátnejođiheaddji Monica Nielsen ahte lea dehálaš álbmogis čuovvut njoammuneastadan njuolggadusaid, ja son ávžžuhii buohkaid ráhkkanit dasa ahte koronanjoammun sáhttá laskat. Bearjadaga maŋŋágaskabeaivvi dieđihii sátnejođiheaddji ahte suohkanis lea duođaštuvvon fas njoammun.
– Dán oktavuođas eai leat ođđa lagasoktavuođat Álttás. Olmmoš lea leamaš bargomátkkis Romssas ja lea biddjon isolašuvdnii, čállá Álttá sátnejođiheaddji Monica Nielsen e-poasta bokte Ávvirii.
