Dán jagáš fáddá lei buorre dearvvašvuohta ja eallinkvalitehta, ja Álttá borramušstašuvdna jienastuvvui Coop kundariin vuoitin.
– Mii beassat ilolaččat addit 100.000 ruvnno Álttá borramušstašuvdnii mii oaččui eanemus jienaid jienasteamis, muitala Knut Lutnæs, gii lea Coop Norge gulahallan- ja eiseváldeoktavuođa seniorráđđeaddi.
Álttá borramušstašuvdna váldá liigeborramuša borramušsuorggis ja addá sidjiide geain ii soaitte leat buorre dilli. 20 eaktodáhtolačča juhket borramuša sidjiide geat dárbbašit dan.
– Dát lea hui somá midjiide! Áigut geavahit ruđa borramušstašuvnnas viidáset doaimma sihkkarastit, áidna Finnmárkkus. Geahččat maid vejolašvuođaid viiddidit fálaldaga eará sajiide Finnmárkkus, dadjá Álttá borramušstašuvnna stivrajođiheaddji Heidi Tangstad preassadieđáhusas.