Álttá bárdni Eirik Lyng galgá odne eahket lávlut Melodi Grand Prix junior finálas.
Álttá bárdni Eirik Lyng galgá odne eahket lávlut Melodi Grand Prix junior finálas.
Odne, lávvordateahkedis, lágida NRK lávlungilvvu MGP jr finála. Dan gilvvus galget mánát ja nuorat gilvalit lávlumis, ja son gii oažžu eanemus jienaid, dieđusge vuoitá.
Gilvvus lea maid mielde Álttá bárdni Eirik Lyng. Eirik háliida eallit artistan, ja lea lávlon eallenagi. Maŋŋel go beasai lávlut Borealis Dálvefestivála rahpamis Álttás, de lea son ožžon olu lávlunbargguid sihke báikkálaččat ja eará sajis.
Mielde teáhteris maid
14-jahkásaš Eirik Lyng lea maid mielde Kulturskuvllas go son hárjehallá lávlut. Son oassálastá maid teáhterjoavkkus «Akutteateret» nuoraidviesus gos son láve fitnat hui dávjá.
Odne eahket galgá ge son lávlut MGP jr. finálas ja su lávlla lea «Her for deg».
Sátta lea odne, lávvordaga, ja álgá diibmu 19:55 NRK 1:s.
Eará oassálastit
Edvard Dahl Thoresen lea eret Oslos ja oassálastá lávlagiin «Bare 11 år».
Elida Hatlevik lea eret Lindåsas, Bergenis, lávlu lávlaga «Framtid».
lla Lockert Postl eret Boares Fredrikstadas, lávlu«Pop drop dab».
Joavku F5 lea Bø báikkis Telemárkkus , ja lávlot lávlaga «Generasjon prestasjon».
Iris Abtahi lea eret Rissas Lulli-Trøndelágas, oassálastá lávlagiin «Hjem».
Magnus Winjum-Anderssen lea eret Lillestrømas ja lávlu «Alt er herlig».
Oselie Henden lea eret Nordfjordeidas, ja lávlu «Verda vår».
Solmaz Afshari lea eret Oslos ja oassálastá lávlagiin «Jeg har en drøm».
Veronika Spjøtvold Stene lea eret Sparbus/Troanddimis ja lávlu «Æ må reis mæ opp».
