-Almmuhus-
-Almmuhus-
-Almmuhus-
OĐĐASATÁltá ii searvva natio­nála rahpa­mii

Áltá ii searvva natio­nála rahpa­mii

-

-

Odne mearridii Álttá suohkana ovdagoddi báikkálaš njoammunsuddjennjuolggadusaid.

Álttás leat gaskavahkku iđida duođaštuvvon 20 njoammuma ja 250 olbmo leat erremis. Suohkan dieđihii Twitteris ahte duođaštusat, mat bohte maŋŋebárgga eahkeda, dagahedje ahte Reaššvuona nuoraidskuvlla ceahkit oktan golmmain oahpaheddjiin leat biddjon erremii.

Báikkálaš njuolggadusat

Álttá suohkana ovdagoddi mearridii sisačalihit báikkálaš njoammunsuddjennjuolggadusaid. Earret eará eai beasa eambbo go logi olbmo čoahkkanit priváhta ásodagaide. Álttá suohkana neahttasiiddus čužžot buot njuolggadusat.

Suohkan čállá preassadieđáhusas ahte FHI (Álbmotdearvvašvuođainstituhtta) rávvagiid geažil ii ávžžuhuvvo ahte Áltá searvá nationála rahpama goalmmát dássái, mii dáhpáhuvvá duorastaga geassemánu 17. beaivvi.

-Almmuhus-