Sørøy-rocken mii lágiduvvo Márregobis Sállanis suoidnemánus almmuha dál buot artisttaid geat galget čuojahit dán geasi feastiválas.
Sørøy-rocken mii lágiduvvo Márregobis Sállanis suoidnemánus almmuha dál buot artisttaid geat galget čuojahit dán geasi feastiválas.
Vidar Johnsen dáidá leat musihkkadovdiide eanemus dovddus go lei lávlu VAMP joavkkus 1999 rájes 2006 rádjai. Johnsen ávvudii diibmá ahte lei 30 jagi leamaš artistan, ja jođi ávvuturnéain gos oaččui hui buriid máhcahemiid sihke gehččiin ja lágideddjiin, ja soapmasat vel lohke ahte lei buoremus maid leat oaidnán «live» norgga lávddiid alde.
Miessemánus almmuhage son skearru man vuođđu lea dimmáš turnéa.
Nubbi gean festivála almmuha lea Nora Konstanse, guhte muitala stuora muitalusaid smávva sániiguin, ja ráhkada folk-pop mas teavsttat leat sihke eaŋgalasgillii ja Helgelándda suopmaniin. Su musihkka sulastahttá Ane Brun, Joni Mitchell ja Susanne Sundfør.
–Duođalaš ja stoahkkái, allat ja vuollegaš, álki ja soddjil, seaguhus gaskkal goikeguoli ja urbána stuorragávpot-trikka. Maŋŋel diimmáš feastiválageasi gos doalai konsearttaid Dávvenjárggas gitta Osloi, de lea Nora Konstanse dál gárvvisteami iežas vuosttaš skearru, čállet sørøy-rocken preassadieđahusas.
(Ášši joatká gova vuolabealde)
Muđui leat dát artistat geat čuojahit Sørøyrockenis
Duorastat 28.07
– Vidar Johnsen
– Daniel Kvammen
– Kristian Park
– Nora Konstanse
Bearjadat 29.07
– Skambankt
– Mads Veslelia
– Izabell
Lávvordat 30.07
– Cazadores
– Pil & Bue
– Ágy
– Vederkast