-Almmuhus-
-Almmuhus-
SMÁVVAOĐĐASATAlmmuhii nuppi mánáid­girjji

Almmuhii nuppi mánáid­girjji

-

-

Hanne-Sofie Suongir lea almmuhan «Buorre idja, Sunnáš» mánáidgirjji. 

– Dát girji lea huvlločivgga Sunná birra, gii liiko girdit, čállá preassadieđáhusas Iđut lágádus, man bokte girji lea almmuhuvvon. 

Muitalus dáhpáhuvvá  go lea nohkkanáigi. 

– Muhto huvlločivga Sunná ii háliit nohkkat. Son háliida girdit ja vásihit máilmmi. Muhto Sunná láhppo dan gelddolaš mátkkis. Gávdná go Sunná ruoktot, su liegga buori seŋgii, gažadit preassadieđáhusas. 

Girjjis leat 32 siiddu ja dat lea oaivvilduvvon smávva mánáide. Girji lea sámegillii čállon. Nina Marie Andersen lea sárgon girjji govaid. 

«Buorre idja, Sunnáš» mánáidgirji lea nubbi girji man Hanne-Sofie Suongir lea čallán. Jagis 2020 almmuhii son iežas vuosttaš mánáidgirjji, «Elle – Guohcamanit poastakantuvrras», mii lea maiddái dárogillii almmuhuvvon. 

Norgga Sámediggi lea ruhtadan girjji almmuheami. 

-Almmuhus-