Áigot čalmmustahttit Norgga historjjá sámi čalmmiid bokte.
Oslo universitehta lea buvttadan radioráiddu P2-kanálii, mas galget muitalit Norgga historjjá sámi perspektiivvain.
Preassadieđáhusas čállet ahte Norggas lea álo leamaš máŋgakultuvrrat servodat. Dainna prográmmaráidduin háliidit buktit sámi perspektiivva riikka historjái, ja guorahallet movt sámi kultuvra šattai ja movt vásihit dat deattu stádas ja stuoraservodagas. Maiddái guorahallet gažaldaga movt sápmelaččat šaddet álgoálbmogin.
Ráiddus leat 13 oasi, ja vuolgá geađgeáigodagas ja joatká dálááigái. Galget maid čanastagat riikaviidosaš, regionála ja našunála beliide.
Lea norgeshistorie.no neahttasiiddu fágabiras mii buvttada dan, ja vuosttaš oassi almmuhuvvui duorastaga diibmu 13.
