-Almmuhus-
OĐĐASATAlmmuhan namaid mikrogirdilihkohisvuođa maŋŋel

Almmuhan namaid mikrogirdilihkohisvuođa maŋŋel

-

-

Dál lea duorastatiđidii gielddus girdit guovllus gos lihkohisvuohta dáhpáhuvai.

Politiijat almmuhit ahte leigga 59-jahkásaš Eskild Børje Winther Solhaug ja 32-jahkásaš Lars Nikolas Angler Kuhmunen geat duššaiga mikrogirdilihkohisvuođas Meløy suohkanis Nordlánddas, čállá iFinnmark.

 

Vihtanat oaidnán girdi

Dat guokte dievddu eaba leat fulkkežagat, ja vaikko lihkohisvuhtii ii leat vuos čielga sivva, de sáhttá dáhpáhuvvan go leaba vuollegaččat girdán go leigga ealu čohkkeme, čállá NTB.

– Mii eat sáhte duođaštit dan vuos, muhto vihtanat lohket oaidnán mikrogirdi girdime hui siivvožit ja hui vuollin, lohká Nordlándda politiijaguovllu operatiiva ossodaga jođiheaddji Arne Hammer NTB:i.

 

Gielddus girdit báikkis dál

Lihkohisvuođabáikkis ii leat lohpi johtit lagabus go vihtta kilomehtera. Dat guoská dronegirdimiidda, ja smávit girdiide ja helikopteriidda, mat eai galgga lahkonit go 2,5 nautalaš miilla eret ja 6000 juolggi bajábealde báikki.

Gielddus lea gitta duorastahkii diibmu 08.00, dieđiha politiija.

 

Soahtegirdi gávnnai mikrogirdi 

Girdi dieđihuvvui lahppon disdaga eahkedis 22 áigge, go leigga mannan Sáltoduoddarii čohkket ealu disdatiđida. 

Golbma diimmu maŋŋel go ohcagohte, de gávnnai F16 soahtegirdi láhppon girdi mii lei gahččan.

(©NTB)

 

-Almmuhus-