Áltálaš Yngvar Emil Fredriksen (44) dat duššai skuterlihkohisvuođas Joatkkas mannan lávvordaga.
Dán dieđihit politiijat mánnodaga maŋŋelgaskabeaivvi.
Jáhkket lihkohisvuohtan
Finnmárkku politiijaguovllu politiijadvokáhtta Ingrid Aamodt muitala Ávvirii ahte dievdu gávdnui jápmán iežas skutera bálddas.
Diehtu bođii sidjiide lávvordaga sullii diibmu 14.
– Eat dieđe siva, muhto mii navdit lei lihkohisvuohta. Sáhtán vel dadjat ahte leat mearridan sáddet rumašiskkadeapmái lagamus beivviid, ja áigut vel dutkat soames vihtaniid. Maŋŋel dan jáhkán mis leat eambbo vástádusat, dadjá Aamodt.
Imaštalle orru skohtera
Politiijat eai dieđe juste man guhká dievdu lea leamaš das ovdal go gávdnui.
Son ii lean lobálaš skutermáđijas, ja lei dušše moadde čuođi mehtara biilaluottas.
– Olbmot geat ledje oaggume das lahka ja vánddardeame guovllus, gávdne su go iskagohte manne skohter orru das, muitala politiijaadvokáhtta Ingrid Aamodt.
