Guokte Romssa dievddu duššaiga lávvordaga beaivet muohtauđđasis Ivgovuonas Romssas.
Robin Lie Sørensen (26) ja Martin Tollefsen (28) duššaiga muohtauđđasii Ivgus lávvordaga. Romssa sátnejođiheaddji Gunnar Wilhelmsen lohká suohkana bures váldit vára sudno bearrašiin.
– Dat lei ilgadis dáhpáhus. Lea hui váivi dál. Olmmoš suorgana go oažžu dakkár dieđu, muhto ferte aŋkke leat mielde veahkkin, lohká Wilhelmsen.
Muohtauđas lei Ittunjárggas Sofiagáissás lávvordaga beaivet. Dievddut gávdnuiga beannot mehtera muohttaga vuolde. Lagamuččat leat addán politiijaide lobi almmuhit duššan dievdduid namaid sotnabeaivvi eahkeda.
(©NTB)
