-Almmuhus-
OĐĐASATAlmmuha vuosttaš dikt­agirjji «Suorbma­geažis»

Almmuha vuosttaš dikt­agirjji «Suorbma­geažis»

-

-

Álttá Dáiddafestivála oktavuođas almmuha Ánne Márjá Guttorm Graven iežas ođđa diktačoakkáldaga «Suorbmageažis».

Ánne Márjá Guttorm Graven lea čállán čoakkáldaga «Suorbmageažis» ja Gollegiella lágádus almmuha dan. Girječálli ja lágideaddji Rauni Magga Lukkari oktan Ánne Márjá Guttorm Graveniin ovdanbuktiba girjji. Ánne Márjá Guttorm Graven (1982) lea Kárášjogas eret, muhto son orru Lodegis Nordlánddas. Ánne Márjá bargá jorgaleaddjin ja giellabargin. Son lea maid ásahan johtti sámegielat snapchatkonto «Snaepmie», ja son álggahii ja doaimmaha vuosttaš sámegielat podkástta, «Sis-Finnmárkku Syndroma».

Vuosttaš girji

Diktagirji «Suorbmageažis» lea Ánne Márjjá vuosttaš girji, ja son lea gárven dan «Čális Fal 2» -girječállioahpus. Golggotmánus vuittii son Sámedikki giellaloktenbálkkašumi go lea álggahan sámegielat snapchatkonto, Snaepmie. Sámediggepresideanta Aili Keskitalo ja Gonagas Harald geigiiga Ánne Márjái giellaloktenbálkkašumi.

Diktačoakkáldaga almmuheapmi lea Álttá girjerádjosis bearjadaga 22.11. dii. 12.00.

-Almmuhus-