-Almmuhus-
-Almmuhus-
KULTUVRAAlmmuha sámi noaidekoarttaid

Almmuha sámi noaidekoarttaid

-

-

Astrid Ingebjørg Swart, guhte lea sámi noaidi Deanus eret, lea dál ráhkadan koarttaid maid lea gohčodan Sarahkkas ofelaškoartan.

Astrid Ingebjørg Swart ássá Oslos gosa ásahii Sarahkkas fitnodaga 2008:s. Son geavaha attáldagaidis dálkkodit earáid iežas «liegga gieđaiguin». Son bargá kinesiologan ja noaidin sihke Oslos ja Hokksunddas.

 

Vuoigŋa dáhtui ráhkadit koarttaid

Oktii son jođihii mediterenjoavkku, go juohkehaš galggai mátkkoštit iežaset siskkildas lundui, čállá Sarahkkas preassadieđáhusastis.

Astrid Ingebjørg dagai maid nu, ja go son lei konsentreremin dan vuoibmebáikái rupmašis mii lea kreativitehtaguovddáš, de muhtin vuoigŋafápmu láidestii su ja muitalii ahte son galgá ráhkadišgoahtit dáid Sarahkkas ofelaškoarttaid.

 

Háliida lágidit noaidevuođa olbmuide

Astrid Ingebjørg háliida ahte olbmot galggašedje šaddat eanet dihtomielalažžan, ja son háliida maid lágidit sámi noaidevuođa olbmuide vai sii oččošedje eanet čoavdagiid iežaset váimmuide.

Dát ođđa koarttat galget dálkkodit (healet) ja addet vuđoleappot áddejumi. Son sávvá ahte nu máŋggas go vejolaččat ožžot ávkki koarttaid sáttasániin ja veahki ollašuhttit iežaset potensiála.

Vuoigŋafámut, namalassii luondduipmilveahkit mat ihtet iešguđet hámiin, dat leat veahkehan Astrid Ingebjørga ollašuhttit dán prošeavtta.

Sarahkkas koarttat leat ráhkaduvvon ovttasbarggus Margit Bergain, guhte lea njuohtan govaid mat leat koarttain. Čilgehusat maid Astrid Ingebjørg lea čállán, leat boahtán dáid vuoiŋŋalaš ofelaččain, ja máttuidfámuin, mat leat veahkehan su barggadettiin.

 

Sávvá šaddat illun earáide

Maŋŋil go 2000:s álggahii mátkkistis, mii lei mátki mas vuođđudii iežas kultuvrii ja dan noaidevuhtii, de leat dát proseassat maid son lea vásihan rahpan olu uvssaid ja dahkan sutnje vejolažžan dahkat dálá kreatiiva barggu. Boađus dán «riegádahttimis» leat Sarahkkas ofelaškoarttat.

 – Mun sávan dán máná maid lean váimmu vuolde guoddán ja riegádahttán, šaddat seamma illun eará olbmuide go maid munnje lea, lohká ieš.

 

Sarahkka ofelaškoarttat almmuhuvvojit cuoŋománu 9. beaivvi. sámi mánáidgárddis Tøyenis Oslos, Helgesensgate 94.

-Almmuhus-