Dán musihkkii lea viežžan inspirašuvnna kvenaid ja sápmelaččaid dáruiduhttimis.
Ovddit mánu ilmmai nuorra artisttas NANO BEY:s, dahje Thea Josefine Jennifer Thomassenis, ođđa siŋŋel. Miessemánu 5. beaivvi ilbmá sus nubbi siŋŋel, «Power».
Dát musihkka lea epihkalaš pop ja lea dan birra mo gávdnat siskkáldas givrodaga vaikko gos eallimis dál lea. NANO BEY lea inspirerejuvvon dan garra dáruiduhttinhistorjjás kvenaid ja sápmelaččaid vuostá.
«Power» lea NANO BEY nubbi siŋŋel ovdal go su vuosttaš álbum almmuhuvvo čakčamánu dán jagi.
