Riddu Riđđu ja Davvi álbmogiid guovddáš juhket Buošši-bálkkašumi dán jagáš Riddu Riđđu-festiválas.
Buošši bálkkašupmi lea kulturbálkkašupmi mii juhkkojuvvo olbmuide, joavkkuide dahje servviide geat leat positiivvalaččat bargan čalmmustahttit mearrasámi giela ja kultuvrra; juogo sin barggu bokte dahje go leat ovdagovat.
Sajje Solbakk, Riddu Riđu festiválhoavda lea rámis go fas almmuha nuppi geardde mearasámi bálkkašumi:
– Man buorre lea juohkit Buošši-bálkkašumi! Mii diehtit ahte leat ollugat geat ánssášit rámi dan ovddas mo sii čalmmustahttet mearrasámi giela ja kultuvrra, ja lea oalle erenoamáš go sin iežaset olbmot gudnejahttet sin. Mii illudit go oažžut evttohusaid olbmuin, ja sávvat ahte oažžut olu nominašuvnnaid, dadjá Solbakk.
