Bearjadaga almmuhuvvo kaleandar mii galgá leat boazosámi mánáide, nuoraide ja maiddái earáide geat háliidit oahppat boazobargguid ja boazojagi birra.
Bearjadaga almmuhuvvo kaleandar mii galgá leat boazosámi mánáide, nuoraide ja maiddái earáide geat háliidit oahppat boazobargguid ja boazojagi birra.
Lea earenoamáš dárbu loktet árbevirolaš ovttadássásašvuođa oidnosii, sihke čálalaččat ja govaid bokte. Dáinna lágiin šaddá almmolaš árvu ealáhusa bargiide ja earenoamážit nissonolbmuide. Boazoealáhus šaddá fas ollislažžan ja olles bearraša doaibman nu go lea leamaš ovdal juo dološ áiggi rájis. Boazu lea álo leamaš biebmu, bivttas, fievru, máhttu/oahpponeavvu, eallinláhki ja luondduealáhus.
Eambbo go dušše guođoheapmi
Boazojagi kaleandariin čájehit ahte boazoealáhus lea eambbo go dušše áidun, guođoheapmi ja biergovuovdin. Dás oaidnit maiddái bargguid maid dávjá oaidná dušše ruovttu dilálašvuođain ja mat čuvvot iešguđet jagiáiggiid.
Boazoealáhusa barggut leat jagiáiggiid mielde, geasse- ja dálvebarggut. Kaleandar čuovvu boazojagi ja boazojahki álgá go miesit riegádit.
Boazojahki almmuhuvvo bearjadaga Guovdageainnu girjegávppis, ja kaleandara lea Karen Marie Eira Buljo ráhkadan.
