Alf Ragnar Nielssen muitala das iežas ođđa girjji birra «Samisk fortid i Lofoten», mas vuohččan ovdanbuktá Lofuohta sámi historjjá.
Museum Nord bovde girjealmmuhandoaluide Sámi álbmotbeaivvi.
– Dál ii adno Lofuohta sámi guovlun, muhto ovdal jagi 1900-loguid lei gulai Lofuohta mearrasámi guvlui. Dan beali historjjás ii dovdda dál báljo oktage, ii ge dat leat čállon fágagirjjálašvuođas. Dat lea dehálaš ja amas oassi Davvi-Norgga ja Norgga historjjás, dadjá Alf Ragnar Nielssen bovdehusas. Son lea riegádan jagi1951 Vestvågøyas, lea leamaš Museum Nord vuosttaškonserváhtor ja Davvi Universitehta historjáprofessor. Sus lea guhkes hárjáneapmi ja dutkanduogáš sámi historjjás.
Girjealmmuheapmi lea Reine Kulturguovddážis bearjadaga guovvamánu 4. beaivvi. Lávvordaga 5. beaivvi leat seamma doalut Lofotr Vikingmuseas Vestvågøyas diibmu 16. Sotnabeaivvi guovvamánu 6. beaivvi, diibmu 12.00 ja 13.30 lea ges Galleri Espolinas Våganis. Doaluin beasssá gullat Nielssena muitaleame girjjis birra. Dat lea oassi Vågan suohkana Sámi álbmotbeaivvi doaluin.
