Girječálli Jens Martin Mienna ođđa girji almmuhuvvo loahpas skábmamánu.
Girječálli Jens Martin Mienna almmuha mánáidgirjji Áltás skábmamánu 30. beaivvi, čállá Barus Lagadus preassadieđáhusas.
Barus maid čállá ahte «Nilla ja Ádegáhttu – fargga juovllat» lea somás, ivdnás ja liekkus juovlamuitalus davvisámegillii ja dárogillii.
– Girji lea Nilla ja Ádegáhtu birra geat leaba buoremus-olbmážat. Girjjis soai mannaba olggos juovlaáiggis stoahkat, čiŋahit juovlamuora ja de oaidniba maid juovlastálu. Nilla lea movttegis, duostilis ja virkkos lunta, ja Ádegáhttu ges lea juste nuppelágan, čállá Barus Lagadus.
