-Almmuhus-
-Almmuhus-
SMÁVVAOĐĐASATAlmmolaš rahpan Oslo sámi skuvllas

Almmolaš rahpan Oslo sámi skuvllas

-

-

Odne, čakčamánu 22. beaivvi, lea Osloven Saemien Skuvle/Oslo Sáme Skåvllå/Oslo Sámi Skuvla/Oslo samiske skole (OSS) skuvlla almmolaš rahpan.

Rahpan dáhpáhuvvá skuvlašiljus, gos earret eará Oslo sátnejođiheaddji Marianne Borgen, sámediggeráđđi Mikkel Eskil Mikkelsen ja oahppodirektevra Marte Gerhardsen dollet sáhkavuoruid.

Rahpandoaluin beassá maid gullat skuvlamánáid sihke lávlumin ja juoigamin. Seammás leaba Agnete Saba ja Fred Buljo doaluin, ja sudnos leat unna konsearttažat. Doaluin lea maid vejolaš geahččat Britta Marakatt-Labba ja Margrethe Pettersena dáidaga.

Oslo suohkanis leat olu sámegielat ássit. Suohkan lea 1983 rájes fállan sámegieloahpahusa mánáide ja nuoraide vuosttaš luohkás gitta joatkkaskuvlla dássái.

Skuvllas leat birrasii 50 oahppi, ja rahpandoalut leat odne, čakčamánu 22. beaivve Ormsundveien 2:s, skuvlašiljus.

-Almmuhus-