Gaskavahku iđida dieđihuvvui politiijaide veahkaválddálašvuohta lagas birrasis.
– Guokte nissonolbmo galgaba leat vásihan fysalaš veagaválddalašvuođa ovtta almmáiolbmos. Almmái galgá leamašan balddihahtti ja galgá maid leat áitagiid ovddidan, son galgá leat maid biergasiid billidan, čállá Politiija Twitteris.
Cuvken glásaid
Finnmárkku politiija operašuvdnaguovddáža Jan Arne Pettersen muitala iFinnmarkenii ahte almmái galgá leat cuvken glásaid.
– Okta almmái lea seahkánan, ja lea cuvken glásaid iežas ruovttus, lohká son.
Dáhpáhus galgá leat geavvan mannan ija Leavnnjas, veahkaváldi ii galgá leat dáhpáhuvvan njuolgga nissonguoktá rupmašii, muhto olles dáhpáhus galgá leamašan balddihahtti.
Politiija twittre: Jus vásihat veahkaválddi dahje dovddat gean nu gii vásiha dan, de sáhtát iskat dáid siidduid: Hvorlite ja dinutvei