Almmái lea váldon gitta Báhčaveajis bearjadaga čuovganeapmái, go váruhit ahte lea lobiheamet boahtán Ruoššas Norgii.
Politiijat dieđihit ahte almmái lea ohcan dorvvu. Son váldui gitta 01:58 Báhčaveajis, ja politiijat dutket lea go lobiheamet rasttildan rájá Ruoššas.
– Suodjalusa rádjejoavku ja politiijat dat válde albmá gitta. Almmái lea ohcan dorvvo Norgii, dieđiha Finnmárkku politiijaguovllu njunušgoddehoavda Tarjei Sirma-Tellefsen.
– Leat dárkkisteamen albmá identitehta ja gažadat albmá. Son galgá leat gávdnan priváhta stobu rádjeguovllus ja jearran veahki. Mii maid oaččuimet dieđu ruoššabeale rádjevávttas geat ledje gávdnan luottaid mat soite čájehit ahte muhtun lea lobiheamet rasttildan rájá. Dálle álge rádjevávttat ja politiijat ohcagoahtit dalánaga, dadjá Sirma-Tellefsen.
(©NTB)
