Norrlänska socialdemokraten aviisa dieđiha ahte almmái, gii gávnnahalai vurken badjelaš 16 000 mánáidpornográfalaš gova, ii boahtán diggái disdaga.
Ođđajagemánus 2017 gávnnahalai 35-jahkásaš almmái Gironis 16 812 mánáidpornográfalaš govain ja 66 filmmain mat ledje su dihtoris. Son navdo rihkkon mánáidporongráfalaš lága ja roavva mánáidpornográfalaš lága. 2018:s orui almmái fas Västerbottena leanas.
– Mis lea buorit duođaštusat albmá vuostá ja leat roavva materiálat mat leat gávdnon su dihtoris. Dat govveduvvon dáhpáhusat leat muhtimat leamaš earenomáš roavvásat, čilge áššeguoddi Rickard Finnberg Norrlänska socialdemokraten aviisii.
Almmái biehttala buot ja dadjá ahte son ii lea diehtán govaid ja filmmaid birra. Son čilge maid ahte eanet olbmot go son leat geavahan dihtora.
Dán vahkus disdaga galggai diggi álgit albmá vuostá, muhto son ii boahtán diggái. Diggi lea fas gohččon su boahtit. Nu čállá Norrlänska socialdemokraten aviisa gaskavahku.
