UNN dahje Davvi-Norgga Universitehtabuohcciviessu dieđiha almmái gean gádjo mearas Ivgus, lea bahuid roasmmehuvvan.
Roasmmehuvvan almmái lea gávccátlotjahkásaš ja son gávdnui ikte heakkaheapmin Ivgu smávvafanashámmanis Omasvuona gielddas. Heahteetáhtat ja gádjunhelikopter doapmaledje vajot smávvafanashápmanii Ivgui go muhtin lei fuomášan su mearas ja dolvo su helikopteriin UNN buohccivissui Romssa gávpogii.
Politiija dieđihii ikte, juovlamánu 12.beaivvi, NRK:i ahte tiibmu 12.51 ožžo su gáddái ja álggahedje jielluma dakkaviđe. Guovllus lei buolaš, goalki ja fiertu. Ikte eai diehtán mo albmáin manai. Politiija lea dutkamin gii dát almmái lea ja mo almmái lea šaddan merrii.
Politiija operašuvnnajođiheaddji Beate Helberg muitala lei muhtin politiijabálvá gii ii lean barggus, gii fuomášii albmá govdumin 20 mehtera olggobeale smávvafanashámmana Ivgus.
