-Almmuhus-
OĐĐASATAlla vuordámušat soaba­deapmái girkus

Alla vuordámušat soaba­deapmái girkus

Journalista

-

-

– Girku lei oassin váttisvuođas ja ferte maid leat oassin čovdosis. Sámi girkoeallimis lea dehálaš rolla dan barggus, lohká Girkoráđi ođđa jođiheaddji, Harald Hegstad.

Sámi girkoeallinkonferánsa lágiduvvo Bådådjos miessemánu 28. ja 29.beaivvi, ja duohtavuohta ja soabadeapmi – geaidnu viidáset lea dán jagi fáddán. Girkoeallinkonferánssas lea mihttun veahkehit soabadanbarggu mii guoská sámi girkolaš oktavuođaide.

– Dáruiduhttinproseassaid duohtavuođa ja soabadanbargu ii leat dušše dehálaš servvodagas, muhto maiddái girkus. Mus leat alla vuordámušat ahte Bådådjo konferánsa buktá dehálaš barggu dan proseassas, dadjá Harald Hegstad.

Jahkásaš konferánsa

Konferánssas lágiduvvo bihtám/julevsámi olgoipmilbálvalus, filbmačájáhus «Samiske fortellinger om rett og urett», mii lea Hápmiris ráhkaduvvon, sámi sálbmaeahket Bådådjo duopmogirkus, ja Tore Johnsen logaldallá.

Sámi girkoeallinkonferánsa lea jahkásaš konferánsa girku bargiide, eaktodáhtolaččaide ja ráđi miellahtuide gos fáttát mat gusket sámi girkoeallimii ságastallojuvvojit. Konferánsa lea Sámi girkoráđi, Davvi-Hålogalándda, Mátta-Hålogalándda ja Nidaros bismmaguovllu, ja Girkolaš oahpahusguovddáža ovttasbargu. 

– Dehálaš ja ávkkálaš

Sámi Girkoráđi ođđa jođiheaddji, May Bente Jønsson, maid searvá konferánsii.

– Mun illudan ja dán jagi sámi girkoeallinkonferánsa lea hui gelddolaš. Lea dehálaš fáddá man čuvgejit, ja sávvat ahte leat dehálaš ja ávkkálaš beaivvit Bådådjos. Earenoamáš fiinnis lea go Bådåddjo lea kulturoaivegávpot dán jagi, dadjá May Bente Jønsson.

-Almmuhus-