-Almmuhus-
CORONAVIRUSAlla njoammun­logut Davimus Ruoŧas

Alla njoammun­logut Davimus Ruoŧas

-

-

Varraseamos njoammunlogut Norrbottena leanas čájehit ahte korona dávda lea njoammugoahtán fas

Norrbottena leanas duođaštuvvo oktiibuot 1 612 ođđa njoammuma vuosttaš vahkus ođđa jagis.  Alimus njoammunlogut leat Lulejus, gos duođaštuvvui 565 olbmos korona dávda. Jielleváris lea 213 olbmos duođastuvvon korona maŋemus vahkus. 

– Leat alla njoammunlogut ja lea stuora njoammunvárra, čilge Norrbottena njoammuneastadandoavttir Anders Nystedt raporttas maid Region Norrbotten lea almmuhan. 

Davimus Ruoŧas leat dál 12 olbmo buohcceviesus korona dávddain ja okta sis dárbbaša vuoigŋanmašiinna dieđiha Regiovdna. 

1. vahkku njoammunlogut Davvi Ruoŧas:

Árjjátluovvi: 19, Árvvesjávri: 17, Boden: 174, Haparanda: 49, Johkamohkki: 14  Kalix: 138, Giron: 136, Bájil 29, Bihtám 185, Älvsby: 45, Överkalix: 14, Badje Durtnos 14 

-Almmuhus-