Go maŋemus vahkku Báhtterbivddus álgá, de lea luohkká njunnošis juo čoaggán lagabui 100 kilo báhtteriid.
Dál, go álggii maŋemus ja mearrideaddji vahkku Báhtterbivddus, de leat dát skuvllat njunnošis iežaset suohkanis vuoitit fylkkagilvvu ja nationála váldogilvvu mas sáhttá vuoitit 30 000 ruvnno luohkkái.
Jus vuoitá fylkkagilvvu, de oažžu luohkká birasgáhttejeaddji diŋggaid Clas Ohlsonis.
Dát leat njunnošis fylkkas juste dál:
1. Billávuona mearrasámi bajásšaddanguovddáža 4. luohkká Porsáŋggus leat čoaggán 81 kilo.
2. Girkonjárgga mánáidskuvlla 4. luohkká Mátta-Várjjagis leat čoaggán 73,3 kilo.
3. 4A Ánnejogas Čáhcesullos leat čoaggán 64 kilo báhtteriid.
– Min mielas lea hui buorre go njealját luohká mánáin lea nu stuora fokus váldit vára min máilmmis. Dát guoská maid birasstreikemii mii maid fátmmasta njealját luohká mánáid go ohppet váldit vára birrasis earret eará go čogget báhtteriid, dadjá Miljøagentene gulahallanráđđeaddi, Heen Mehammer preassadieđáhusas.
Buot skuvllat:
| Luohkká | Skuvla | Suohkan | Galle oahppi | Galle kilo | Kilo juohke oahppi nammii |
| 4 | Billávuona mearrasámi bajásšaddanguovddáš | Porsáŋgu | 5 | 81 | 16,2 |
| 4 | Girkonjárgga mánáidskuvla | Mátta-Várjjat | 42 | 73,3 | 1,75 |
| 4A | Ánnejoga skuvla | Čáhcesuolu | 13 | 64 | 4,92 |
| 4 | Ruovdavuona bajásšaddanguovlu | Mátta-Várjjat | 7 | 57,43 | 8,2 |
| 4A | Joganjálmmi skuvla | Áltá | 20 | 26 | 1,3 |
| 4A | Unjárgga Oahppogáldu | Unjárga | 6 | 0 | 0 |
| 4A | Deanu Montessoriskuvla | Deatnu | 12 | 0 | 0 |
| 4A | Badje Álttá skuvla | Áltá | 17 | 0 | 0 |
| 4B | Ánnejoga skuvla | Čáhcesuolu | 20 | 0 | 0 |
| 4A | Kárášjoga vuođđoskuvla | Kárášjohka | 15 | 0 | 0 |
