-Almmuhus-
-Almmuhus-
OĐĐASAT Alkohola lea boras­dávdda váldo­sivva

Alkohola lea boras­dávdda váldo­sivva

-

-

Alkohola lea riskabealli borasdávdii riikkain main lea alla dienas, čájeha Máilmmi dearvvasvuođaorganisašuvnna WHO jahkásaš borasdávdaraporta.

Disdaga bođi raporta Máilmmi borasdávdabeaivvi dihte. WHO váldocealkka lea ahte buot riikkat máilmmis fertejit heivehit iežaset dili borasdávdastrategiija, nu ahte borasdávda ii lassán ja nu sáhttá jápmima garvit.

Eanan- ja regiovdnaanalysa čájeha ahte alkohola lea oaivugas riskabealli borasdávdaovdáneapmái ja borasdávdajápmimii riikkain nu go USA:s, Frankriikkas, Stuorra-Británnias, Australias, ja davviriikkain Dánmárkkus, Suomas, Islánddas, Norggas, Ruoŧas, Fearasulluin ja Ruonáeatnamis, čuožžu raporttas.

Borasdávdasearvvis lea norgalaččaide listu mas leat logi neavvaga movt unnidit borasdávdariskka.

WHO čujuha čoahkkáigeasus ahte ollislaččat čieža miljovnna heakkaid sáhttá gádjut boahtte logi jagis jus juohke riika sáhttá čujuhit rievttes gaskaomiide.

Riikkain gos lea unnán ja gaskamearálaš dienas, lea dál stuorra dárbu čavget fálaldagaid ja bálvalusaid. Jus dat ii buorrán, de vearrána borasdávdadáhpáhus 60 proseanttain boahtte guoktelogi jagis, várre WHO. Váldosivva dasa lea go máŋgga riikkas váilot resurssat eastadit infekšuvdnabuozanvuođa.

(©NTB)

- Advertisement -
-Almmuhus-