Ovttastahttojuvvon Našuvnnaid (ON) vuosttaš erenomášraportevra álgoálbmotáššiid birra, Rodolfo Stavenhagen, jámii mannan lávvordaga 84-jahkásažžan.
Ovttastahttojuvvon Našuvnnaid (ON) vuosttaš erenomášraportevra álgoálbmotáššiid birra, Rodolfo Stavenhagen, jámii mannan lávvordaga 84-jahkásažžan.
Ovttastahttojuvvon Našuvnnaid (ON) vuosttaš erenomášraportevra Rodolfo Stavenhagen jámii mannan lávvordaga 84-jahkásažžan, čállá Yle Sápmi.
Mexicos eret
Stavenhagen riegádii borgemánu 29. beaivvi 1932 Mexicos ja jámii skábmamánu 5. beaivvi 2016.
Son leai sosiologa Mexicos. Son lei professor ja dutki El Colegio de Méxicos ja ovddes veahkedirektevra UNESCO:s.
Vuosttaš rapporterejeaddji
Jagi 2001 nammaduvvui son ON olmmosvuoigatvuođakommišuvnna vuosttaš erenoamášraportevran olmmošvuoigatvuođa ja álgoálbmogiid vuođđovuoigatvuođa áššiin.
Son lei erenoamášraportevra gitta cuoŋománu 30. beaivái 2008.
Arizona Universitehta professor S. James Anaya jotkii viidásut dan barggu.
Stavenhagen bealuštii eallimis áigge olmmošvuoigatvuođaid.
Son finai moddii Sámis, maŋimuš guovvamánu 4.-7. beivviid 2008.
– Mun deiven su vuosttaš geardde go finai Sámedikkis 2003:s. Lei hui smađahkes ja čeahpes almmái. Ráfi lehkos su muitui, lohká Sámedikke presideanta Aili Keskitalo Ávvirii.
