-Almmuhus-
-Almmuhus-
-Almmuhus-
OĐĐASATÁlgoálbmogat – riiddut, ráfi ja ovttasleahkin – Fáddán New Yorkas

Álgoálbmogat – riiddut, ráfi ja ovttasleahkin – Fáddán New Yorkas

-

-

Sámediggi oassálastá dán jagi ON álgoálbmotáššiid bistevaš forumii New Yorkas. Doppe galget leat digaštallamat álgoálbmogiid oassálastinvejolašvuođaid birra ON-čoahkkimiidda álgoálbmogiid birra.

ON álgoálbmotáššiid bistevaš forum čađahuvvo jahkásaččat New Yorkas. Dán jagi dat álgá miessemánu 9. b. ja loahpahuvvo miessemánu 20. b.

 

Foruma bajimus fáddán lea “Álgoálbmogat – riiddut, ráfi ja ovttasleahkin”.

Eará fáttát forumis leat “Bistevaš foruma guhtta mandáhtasuorggi čađaheapmi; dearvvašvuohta, oahppu, olmmošvuoigatvuođat, ekonomalaš ja sosiála ovdáneapmi, biras ja kultuvra.”, “Álgoálbmogiid máilmmikonferánssa 2014 čuovvoleapmi”, ja čađahuvvo vel gulahallan ON álgoálbmotvuoigatvuođaid erenoamášdieđiheddjiin ja ON álgoálbmotvuoigatvuođaid áššedovdimekanismmain.

Sámedikki presideanta Aili Keskitalo oassálastá foruma vuosttaš vahku. Politihkalaš ráđđeaddi Runar Myrnes Balto oassálastá goappašiid vahkuid.

 

Nannet álgoálbmogiid stáhtusa ON:s

ON generálačoahkkima presideanta ja su ráđđeaddit álggahit gulahallama das mo oažžut beaktilis oassálastima álgoálbmotáirasiid álgoálbmotásahusaid bealis, daidda ON-čoahkkimiidda mat gusket álgoálbmogiidda. Gulahallan galgá leat gaskkal ON, ON miellahttostáhtaid ja álgoálbmotáirasiid. 

Vuosttaš gulahallančoahkkin lea miessemánu 11 .beaivvi ja nubbi čoahkkin fas miessemánu 18. beaivvi.

– Sámediggái lea deaŧalaš oassálastit daidda ON-čoahkkimiidda mat meannudit álgoálbmotáššiid, muhto dávjá mii fertet oassálastit stáhta sáttagottiin. Sámediggi háliida álgoálbmotparlameanttaide sierra akkrediterema, mii dagašii ahte mii sáhttit oassálastit sorjjasmeahttumit stáhtain, dadjá sámediggepresideanta Aili Keskitalo.

– Riikkaidgaskasaš bargu, erenoamážit ONs, lea deaŧalaš sápmelaččaide, sihke reaidun oažžut vuoigatvuođaid dohkkehuvvot dáppe ruovttus ja arenan čájehan dihtii solidaritehta daid álgoálbmogiiguin miehtá máilmmi, mat dárbbašit min doarjaga, dadjá Keskitalo.

 

-Almmuhus-