Romssa Musea bovde fáddáeahkedii gaskavahkku gos galget ságastallat álgoálbmotdoahpagiid.
Tråante 100-jagi ávvudeami oktavuođas lágida Romssa Musea – Universitehtamusea deaivvadeami gos ságastallet álgoálbmotdoahpagiid.
Geahčadit movt doahpagat gieđahallojuvvojit dál
– Norgga dálá sámepolitihkka lea álgoálbmotpolitihkka. Makkár sisdoallu lea dán doahpagis, ja movt lea ovdánan áiggi mielde, lohká Romssa Musea professor Ivar Bjørklund.
Sátnevuoruin geahčadit guhkit áiggi osiid sámepolitihkas ja movt álgoálbmotdoahpagat gieđahallojuvvojit odne – sihke dutkamis, politihkas ja árgabeaivválaš eallimis.
Sátnevuorus leat Sámi Oahppoguovddáža professor Else Grete Broderstad, girječálli Rauni Magga Lukkari ja Stáhtadiehtaga instituhttajođiheaddji Anna Julie Semb.
Ivar Bjørklund jođiha čoahkkima, mii lea nuvttá buohkaide.
