– Mis lea buohkain ovddasvástádus johtalusas, maiddái iežas áicilvuhtii, dadjá Rita Helen Aarvold Stáhta geaidnodoaimmahagas.
Geaidnodoaimmahat almmuha dál ođđa nationála kampánja mii galgá bistit njeallje jagi, vai oažžut Norgga vuddjiid bargat juoidá iežaset áicilvuođain johtolagas.
Stáhta geaidnodoaimmahagas ođđa iskkadeapmi čájeha ahte badjel čiežas logi vuoddjis oaivvildit ahte hárve dahje eai goassege čuovo mielde, dan botta go 84 proseantta oaivvildit ahte eará vuoddjit eai čuovo mielde.
– Ulbmil lea ahte buohkat leat mielde dán akšuvnnas, sihke ahte rievdadit iežamet ja movttiidahttit earáid šaddat áicileabbon, dadjá Aarvold preassadieđáhusas.
