-Almmuhus-
OĐĐASAT Álggahan Unge Høyre organisašuvnna Guovdageaidnui

Álggahan Unge Høyre organisašuvnna Guovdageaidnui

-

-

Guovdageainnus aitto ásahuvvon Unge Høyre organisašuvnna vuosttaš miellahtut sávvaba eanet nuoraid searvat organisašuvdnii.

Biret Máilen Buljo ja Anni Rauna Triumf leaba Olgeža tealttas čuččodeame. Soai leaba guokte vuostteža (ja vuos dat áidna)  geat leaba mielde Guovdageainnu”Unge Høyre” nuoraidorganisašuvnnas. Soai sávvaba eambbogiid searvat dása go oaidniba dárbbašlažžan nuoraide dakkár organisašuvnna álggahit ja maiddái ovddidit Olgeža politihka.

 

Áššit maid berre ovddidit

Biret Máilen Buljo muitala ahte su mielas leat Olgežis dakkár áššit maid berrešii ovddidit, dat lea okta ágga manne lea searvan dása.

 – Dat Unge Høyre Guovdageainnus oalle eitto álggahuvvon, ii ge leat varra ovdal leamaš Guovdageainnus Unge Høyre. Álgen dasa go mii dárbbašit dakkár organisašuvnna deike Guovdageidnui ja dan bellodagas leat maiddái áššit maid berrešii ovddidit mu mielas, lohka Buljo.

 

Sávvet oažžut eambbo nuoraid mielláhttun

Anni Rauna muitala ahte maŋŋel válggaid sii meinejit álgit oččodit nuoraid šaddat mielláhtun Guovdageainnu Unge Høyre organisašuvdnii.

 – Dat leat eambbo nuorat geat livčče vejolaš mielláhtut, muhto mii álgit maŋŋel válggaid bargat eambbo dainna ahte oččodit nuoraid mielde dasa. Das eai leat nu olu nuorat vel fitnat odne goid, muhto soitet vel beaivvi mielde fitnat das, lohká Triumf.

 

Bajit ahkemearri

Bajit ahkemearri beassat mielláhttun Unge Høyre leat golbmalogi jagi, nu ahte lea vel vejolaš beassat dasa jus leat loahpas 20-jagiin, loahpaheaba nuorra Unge Høyre mielláhtut.

- Advertisement -
-Almmuhus-