-Almmuhus-
OIDNON JA GULLONÁlggahan moraš­joavkku nuoraide

Álggahan moraš­joavkku nuoraide

-

-

Morašjoavku lea fálaldat nuoraide geat leat massán lagasolbmo ja leat morrašis.

Guovdageainnu searvegotti diakoniijabálvalus lea ovttas Guovdageainnu suohkaniin ásahan morašjoavko-fálaldaga. Dat leat fálaldat nuoraide geat leat morrašis. Fálaldat lea gaskal 13- ja 20-jahkásaš nuoraide ja ulbmilin lea ahte dán joavkkus galget beassat deaivvadit earáiguin geat maid leat vásihan morraša. 

– Eai leat makkárge gáibádusat searvamii. Sáhttet vássán vahkut, mánut dahje jagit dan rájes go masse soapmása. Dat lea nuvttá fálaldat, čállá Guovdageainnu searvegoddi sin Facebook-siiddus. 

Dál leat vuos plánejuvvon golbma deaivvadeami searvegoddeviesus:  19.04, 10.05 ja 31.05.

Jus dus lea hállu searvat dasa, de sáhtát váldit oktavuođa Karen Marianna Gaup Sarain, gii lea diakona. Diakonas lea maid Instagram-siidu @guovdageainnu_diakona gos leat dieđut ja rávvagat, earenoamážit nuoraide. 

-Almmuhus-