Vuhtii váldima dihte valljodaga ja báikkálaš álbmoga guolásteami, leat erenomáš muddemat rahppojuvvon muhtun guovlluin.
Vuhtii váldima dihte valljodaga ja báikkálaš álbmoga guolásteami, leat erenomáš muddemat rahppojuvvon muhtun guovlluin.
Galledeaddji bivdiin lea ain buorit vejolašvuođat bivdit sáivaguliid, ráddjemiiguin muhtun guovlluin. Finnmárkulaččaide eai álggahuvvo makkárge rievdamat, earret eaktodáhtolaš ortnega registreret bivddu.
Dát ledje váldočuoggát maid mearridedje go FeFo stivra ođđajagemánu 19. beaivvi meannudii ođđa njuolggadusaid sáivaguollebivdui Finnmárkkuopmodagas. Duogážin gulaskuddamii lei go nuppádassii váillahuvvui vejolašvuohta muddet Finnmárkku olggobeale ássi gallededdjiid bivdiid sáivaguollebivdu.
Vuhtii váldet valljodaga
– Mii leat dál ožžon dássáduvvon ortnega mii áimmahuššá sihke valljodaga vuhtii váldima ja mo báikkálaš álbmot geavaha guollebivdinsajiid, ja galledeaddji bivdiid bivdinlobiid Finnmárkkus, dadjá aiddo válljejuvvon stivrajođiheaddji Marit Kirsten A. Gaup cealkileamis.
– Mearrádusas leat mii ožžon sadjái ortnegiid mat addet eanet máhtu sáivaguollebivddu birra, ja vejolašvuođa reguleret konkrehta guollebivdinsajiid ovttasráđiid gielddaiguin ja báikkálaš geavaheddjiiguin. Buot buohkanassii lasihit mii vejolašvuođa ahte FeFo sáhttá reguleret (muddet) sáivaguollebivddu buoremussan midjiide geat ássat Finnmárkkus, nu go lea ohcaluvvon, čilge Gaup.
Rudnebivdu oaččui beroštumi
Sáivaguolásteami gulaskuddan čájeha earret eará ahte dárbbašuvvo eambbo máhttu guollevalljodagaid ja valljodatávkkástallama birra. FeFo dárbbaša dalle dárbbu muddet (ráddjet) ovttasráđiid guoski gielddaiguin ja báikkálaš geavaheaddjijoavkkuiguin.
– Galledeaddji bivdiid geavaheapmi rudnebivddus lei fáddá mii oaččui olu fuomášumi gulaskuddamis. FeFo oaidná dárbbu deattuhit man galliin neavvuin olggobeale olbmuid lea lohpi bivdit Finnmárkkus. Dan oaivvildit mii ahte leat menestuvvan dainna reguleremiin (muddemiin), loahpaha Gaup.
Eará fáddá lei maiddái sáivaguollevalljodaga goziheapmi ja FeFo barggu mii guoská eastadit vára ahte dávddat ja amas organismmat levvet, ja fievrredit árbevirolaš máhtu viidáseappot ja rekrutteret. Nu čállá FeFo preassadieđáhusas.
