Maŋŋebárgga lea dán jagáš ofelaččain vuosttaš logaldallan, ja sii álget Kuben joatkkaskuvllas Oslos.
Maŋŋebárgga lea dán jagáš ofelaččain vuosttaš logaldallan, ja sii álget Kuben joatkkaskuvllas Oslos.
Oda Kjær Eriksen, Ole Nicklas Mienna Guttorm, Maja Fjellström ja Knut Mikkel Hætta illudit vuosttaš skuvlla galledit.
– Mii leat veahá gealdagasas muhto seammás illudit mátkkoštišgoahtit miehtá Norgga, lohká ofelaš Ole Nicklas Mienna Guttorm.
Lihkostuvvan ortnet
Sámi ofelaš ortnet lea bistán jo 12 jagi ja lea lihkostuvvan ortnet man gielda- ja ođasmahttindepartemeantta ruhtada ja man Sámi allaskuvla jođiha.
Diibmá lei Gieldaministtar Jan Tore Sanner ofelaččaid mielde galledeamen Kuben joatkkaskuvlla.
Sámi áššedovdit
Sámi ofelaččat galget realisttalaš vugiin leat mielde čalmmustahttimin ođđaáigásaš sámi servodaga ja maiddái sámi historjjá ja servodatovdáneami.
– Ortnet maid galgá diktit nuoraid deaivvadit sámi servodagain nuoraid bokte, čálle Sámi Allaskuvla preassadieđáhusastis.
Dálá stáhtaministtar Erna Solberg dat hutkkai ortnega, son leage lohkan jurdaga leamašan ahte nuorat buorebut sáhttet gaskkustit eará nuoraide, go maid rávis olbmot ja oahppogirjjit sáhttet.
