-Almmuhus-
-Almmuhus-
OĐĐASAT Álget fas sáddet go vuojahit

Álget fas sáddet go vuojahit

-

-

NRK lea heaitán sáddemis Giđđajohtin minuhtas minuhttii, muhto álget fas sáddet go Fálá-eallu olle Fálesnuori duohkái.

NRK lea váldán bottu giđđajohtima sáddemis. Lea danne go NRK bargit dárbbašit bottu. Geahččit eai beasa dasto čuovvut olles johtima.

Prográmma ii álgán go galggai, dálkki dihte. Johtin lea maid ádjánan guhkit go ledje rehkenastán.

– Dat dagaha ahte leat leamaš barggus hirbmat guhká, ja lea buoremus heaitit go sáhttit, ja go ain lea dearvvašuohta. Lea sáhka bargiid bargobirrasis, lohká Ole Rune Hætta NRK Sámis. 

Sátta lea dál bissehuvvon, vaikko eallu ii leat vel ollen Fálesnuorrái. NRK lea váldán bottu, muhto lohpidit sáddet maŋemuš oasi johtimis, namalassii vuojaheami Fálesnuori rastá.©NTB

-Almmuhus-