-Almmuhus-
OĐĐASATÁlget fargga bargat Nuovas­muotkki ođđa geainnuin

Álget fargga bargat Nuovas­muotkki ođđa geainnuin

-

-

Joholatdepartemeanta dieđiha ahte Nye Veier fitnodat lea vuolláičállán geaidnohuksensoahpamuša ráhkadit E6-geainnu badjel Nuovasmuotkki.

E6-geaidnu badjel Nuovasmuotkki Davvi-Romssas lea heittot ja dávjá giddejuvvon dálvit. Nu leat olbmot ferten vuodjit Suoma bokte liiggás. Dál boahtá viimmat ođđa geaidnu.

– Mii leat dál vuolláičállán geaidnoráhkadansoahpamuša Nye Veier AS fitnodagain. Dat máksá ahte prošeavtta mihttomearri ja goluidrámma lea mearriduvvon. Buorre infrastruktuvra lea dehálaš davviguovlluid ovdáneapmái, lohká Norgga johtolatministtar Knut Arild Hareide.

Nye Veier lea dieđihan ahte sii jurddašit geavahit 1 990 miljovnna kruvnna ráhkadit geainnu. Dál lea ráđđehus dohkkehan geaidnohuksema goluidrámma. Dál, go soahpamuš lea vuolláičállon, de sáhttá Nye Veier alggahit barggu. 

-Almmuhus-