-Almmuhus-
-Almmuhus-
-Almmuhus-
OĐĐASAT– Ale fal dájuhuvvo

– Ale fal dájuhuvvo

-

-

Vearrodieđáhus ja vearroruhta lea boađe boađi, ja Vearroetáhtta várre dál olbmuid jáhkkimis njiđadeddjiide geat geahččalit dájuhit.

Juohke jagi go vearrodieđáhus ja vearroruhta lea boahtime, de ožžot ollugat e-boasttaid ja sSMS-dieđuid ruhtadájuheddjiin geat lohket iežaset leat Vearroetáhttan dahje vearrogáibideaddjin.

Sii addet lohpádusaid ahte dus lea ruhta buorrin, čállá vearroetáhtta preassadieđáhusas.

 

Jotket dájuhemiin

– «Pishing» lea lassánan hui olu, muhto lihkus leat olbmot maid gozuid alde, leat eahpádusas ja máhttu lea maid dan birra lassánan. Aŋkke leat ollugat geat jáhkket ruhtadájuheddjiide, nu ahte dájuheapmi ain bistá, lohká vearroetáhta sihkarvuođaossodaga direktevra Svein Mobakken.

Son deattuha ahte vearroetáhtta ii sádde goassege e-boastta mas leat liŋkkat maid sihtet deaddilat, eai ge goassege siđa kredihttadieđuid, čoavddasániid, rehketdieđuid, pássas kopiija, vuodjinkoartta dahje kontonummara SMS:in dahje e-boasttain.
 

Fargga boahtá vearrodieđáhus

Duorastaga bohtet vearrodieđáhusat 4,9 miljovnna olbmui Norggas ja Mobakken ávžžuha olbmuid:

– Ale fal dájuhuvvo! Du identitehta interneahtas lea hui divrras.

2018:s ledje 11 «pishing» báru jođus, mat levve SMS ja e-boasttaid bokte. Ruhtadájuheaddjit vigget dan bokte oažžut sensitiiva dieđuid du birra. 

Vaikko vearroetáhtta váidá daid roavváseamos ruhtadájuhemiid, de sihtet olbmuid leat gozuid alde.

(©NTB)

 

-Almmuhus-