Doapparbáikkit miehtá riikka giddejit dahje gáržžidit rabasáiggiid.
– Dál ii leat áigi álggahit čorgen- ja ođasmahttinprošeavttaid ruovttus ja barttas. Vaikke lea eanet áigi dál iežat ruovttus, de sáhttá šaddat stuorra hállu, dadjá Nancy Strand, Avfall Norge hálddahusdirektevra.
Ieš vurket
Lagamuš vahkuid fertet ieš vurket doabbariid maid dábálaččat livččet dolvon doapparbáikái, nu ahte jurddaš dárkilabbot maid álggahat dál ruovttus. Jus fertet vurket doabbariid ruovttus, de lea ávžžuhus gokčat doabbariid vai ii dálki ja biegga váldde mielde doabbariid. Vurke dan láhkai ahte ii leat viessoseainni guoras, vai ii leat buollinvárra ja vurke maid dan láhkai ahte ii lea váralaš mánáide ja elliide, dieđiha Avfall Norge preassadieđáhusa bokte.
