-Almmuhus-
-Almmuhus-
OĐĐASATAle cahkket mihcamárdola vaikko gosa

Ale cahkket mihcamárdola vaikko gosa

Journalista

-

-

Dá leat Guovdageainnu buollinčáskadanhoavdda ávžžuhusat otná beaivái.

Mihcamáreahkeda soitet ollugat áigut ávvudit, áinnas stuora dolain.

Guovdageainnu suohkanis ii dárbbat ohcat lobi dolastit, muhto buollinčáskadanhoavddas leat aŋkke moadde rávvaga olbmuide.

Rávvagat

– Ale dolas doppe gos dolla álkit leavvá

– Váldde mielde mainna čáskadat dola

– Dolas dušše muoraiguin

– Ruskkaiguin ii leat lohpi dolastit

– Iskka biekka ovdal go cahkkehat dola

– Ale dájo dolain gárrenoaivvis

– Ale guođe buolli dola

 

Rávve mo dolastit

Guovdageainnu buollinčáskadanhoavda, Nikken Turi, buktá rávvagiid otná beaivái Facebook bokte.

Earret eará ii suova dolastit báikkiin gos dolla álkit sáhttá leavvat, ii suova ruskkaid boaldit, dušše muoraid.

Dasa lassin ii suova gárrenoaivvis dádjut dolain.

 

Loga Vefasa mihcamárdolla-ávžžuhusaid.

-Almmuhus-