Norgga álbmotmusea sávvá veahki álbmogis čohkket koronamuittuid boahttevaš áigái.
Dál sávvá Norgga álbmotmusea vurket olbmuid vásáhusaid ja dávistemiid. Álbmotmusea dáhttu diehtit movt váikkuha korona-dilli árgabeaivái ja movt láhttet dán dilis ja maid jurddašat boahtteáiggis?
– Go leat stuorra dáhpáhusat servodagas, de ferte musea čuovvut mielde. Norgga Álbmotmusea galgá gaskkustit árgabeaivválaš historjjá, ja dalle mii fertet bidjat searaid čohkket olbmuid muitalusaid dán ártegis ja váttes áiggis. Mii dárbbašat veahki olbmuin dan dahkat, dadjá Olav Aaraas, Norgga Álbmotmusea direktevra.
Musea ávžžuha olbmuid sáddet sidjiide iežaset muitalusaid minner.no neahttabáikái. Sullasaš čoaggin lea maiddái álggahuvvon Ruoŧas Nordiska Museet bokte.
