Álbmotdearvvašvuođainstituhtta lea ožžon várrehusa gaskaboddosaččat heaitit čoaggimis dieđuid Smittestopp-áppas.
– Mii eat leat ovttaoaivilis Diehtobearráigeahču árvvoštallamiin, muhto fertet sihkkut buot dieđuid ja váldit bottu barggus várrehusa dihtii, dadjá Álbmotdearvvašvuođainstituhta direktevra Camilla Stoltenberg.
Maŋŋebárgga rájes bissehuvvo diehtočoaggin áppa bokte. Olmmošdieđut vurkejuvvon guovddáš diehtovuogádahkii sihkkojuvvojit nu jođánit go vejolaš.
Áppas leat masá 600 000 aktiivvalaš geavaheaddji geat juhket dieđuid Álbmotdearvvašvuođainstituhtain.
(©NTB)
