Rovdata ođđa raporttas čajehuvvo ahte Norgga albbasnálli lea dál vuosttaš geardde gávcci jagis badjel nationála nállemihtu mii jahkásaččat lea 65 bearašjoavkku.
Bearašjoavkkus lea okta njiŋŋelas mas leat okta dahje eambbo čivggat. Leat meroštan ahte ovdal go liseansabivdu álggii ja ovdal go gudde fas dán jagi, de ledje 66,5 albbasbearašjoavkku Norggas.
– Maŋŋel go albbasnálli lea čieža jagi leamaš vuollel nállemihtu, de lea albbasnálli dál fas badjel mihtu nu movt Stuorradiggi lei mearridan. Albasat leat lassánan 21 proseanttain diimmá rájes, dadjá Rovdata jođiheaddji Jonas Kindberg.
Dat lea lassánan erenoamážit daid davimus boraspireregiovnnain. Nordlánddas lea lassánan 5,5 bearašjoavkkuin, 11 bearašjovkui. Romssas ja Finnmárkkus leat ges lassánan viđain bearašjoavkkuin, 11 bearašjovkui.
(©NTB)
