-Almmuhus-
-Almmuhus-
OĐĐASATAlárbma čuodjá odne diibmu 12:s

Alárbma čuodjá odne diibmu 12:s

Journalista

-

-

Odne geahččaluvvo dieđihanalárbma mii lea riikaviidosaš alárbma.

Siviilasuodjalus geahččala guktii jagis riikaviidosaš alárpma mii máksá «dehálaš diehtu – guldal radio». Alárbma čuodjá buot suohkaniin gos lea biddjon dakkár dieđihanrusttet.

 

Fertet gávdnat dieđuid go gulat alárpma

Odne lea vuosttaš geahččaleapmi dán jagi ja nuppes fas čuodjá alárbma geassemánus. Jietnasignála čuodjá golmma geardde ja lea minuhta gaska juohke signálas. Jus gulat dán jiena, de galggat ohcat dieđu rádios, TV:s, kriseinfo.no siiddus dahje sosiála mediain.

Go lea ráfi, de sáhttet geavahit dákkár alárpma maid jus leat lihkohisvuođat industriijabáikkiin gos golget mirkkut dahje eará várálašvuođat leat.

 

Bealli álbmogis gullá alárpma

Miehtá riikka leat sullii 1250 dieđihanrusttega mat dieđihit álbmogii go lea fáhkka várra.

– Rusttegat leat eanaš gávpogiin ja stuorit giliin, luottaid gaskkas ja togalinjjáid lahkosis gos geasehit várálaš guorpmi, ja lahka doaibmabáikkiid gos leat mirkkut ja várálaš kemalaš diŋggat. Lea sullii bealli álbmogis geat gullet signála, muitala Siviilasuodjalusa hoavda Jon Birger Berntsen.

 

Siviilasuodjalus ásaha, doaimmaha ja divvu dieđihanrusttegiid. Politiijain lea ovddasvástádus bidjat dieđiheami johtui go lea ráfiáigi.

-Almmuhus-