Birasaktivista Jana Tannagasheva boahtá Anárii Skábmagovat-festiválii muitalit Oarje-Sibirjá šoora-álbmoga vearáskan dilis.
Birasaktivista Jana Tannagasheva boahtá Anárii Skábmagovat-festiválii muitalit Oarje-Sibirjá šoora-álbmoga vearáskan dilis.
Šoorat lea álbmot Oarje-Sibirjás – Várre-Šoorias, Hakassias ja Altain dásseválddis. Boares áššegirjjiin sii leat gohčoduvvon ee. Kuznetski tatáran dahje Kondoma tatáran ja sin máttut gullet turkalaš álbmogiidda.
Šoorat leat sullii 14 000, ja sii hupmet šooragiela ja ruoššagiela. Otná beaivvi sin eallima sevnnjodahttet máŋggat áitagat, go Ruošša váldi guovllus ain lassána, čállá Skábmagovat filbmafestivála preassadieđáhusastis.
Fabrihkadoaibma áitá
Hakassiasis ođđaseamos áitta gávdno Usa-joga gierragis, namalassii áigumuš hukset ruvkki ja industriijaráhkkanusa Ruošša stuorámus mangánagávdnosa dihte. Várit, maid siste mangánamálbma gávdno lea Usa gáttis.
Johka luoitá Tom-johkii, mii lea guovllu okta stuorámus ja deháleamos jogain.
– Guovllu ássiin 60 proseantta leat šoorat, geaid árbevirolaš ássanguovllu ja biebmogálduid fabrihkadoaibma, áitá. Mangána, mii golgá čáhcái, sáhttá dagahit earret eará Parkinson dávdda sullasaš dávdamearkkaid, nu gohčoduvvon manganisma, čállá festivála.
Šoorat, birassuodjaleaddjit ja eará guovllu olbmot vuostálastet mangánafabrihka huksema. Sii leat čállán áššis gáibádusa ja sii maid gáibidit álbmotjienasteami sihke etnologalaš čilgehusa.
Dieđihandilálašvuohta áššis lea kulturguovddáš Sajosa Solju-sáles lávvardaga 23. ođđajagimánus diibmu 15.30.
